HIMILO waa urur samafal ee Soomaliyeed, kana howlgala Soomaaliya iyo Nederland. Ururka wuxuu ka diiwaangashanyahay dalka Nederland. Himilo waxaa la aasaasay 2006, waxaana loo aasaasay in wax looga qabto dhibaatooyinka Ummadda Soomaaliyeed ee ku nool Soomaaliya.

Himilo waxay xoogga saaraysaa kobcinta waxbarashada caruurta da,da yar. Howlaha Himilo horyaalla waxaa ugu muhiimsan dhisidda iyo dayactirka goobaha waxbarasho ee caruurta. Sidaoo kale waxay Himilo gacan wayn ka gaysanaysaa wax ka qabadka Musiibooyinka sida abaaraha iyo cudurada faafa.

Ujeedada guud ee ururka loo aasaasay waa dibudhiska iyo horumarinta adeegga aasaasiga ee bulshada Soomaaliyeed ee ku dhaqan gobollada dhexe. Ujeedooyinka ururka waa:

• Kor uqaadidda tayada iyo cadada waxbarashada
• Kor u qaadidda tayada caafimaadka, sida abuurista xarumo daryeelka dhallaanka iyo hooyooyinka
• Kobcinta tayada biyaha, sida dayactirid ama samayn ceelal biyo
• Kor u qaadidda wacyiga bulshada, Sida samayn xarun wax ka qabata arimaha degdegga ee bulsahda sida abaaraha cudurada faafa IWM

Back to top