Himilo waxay dhaqaale ama qalab ku caawinaysaa keliya mashruucyada dadka deegaanku u dhibaateeysanyihiin. Si taas loo helo waxay wakiilada Himilo iyo maamulada degmooyinka noo soo gudbin doonaan hal warbixin. Warbixintaas ooa ay ku caddaynayaan dhibaatada dadka deegaanka ee u baahan in sida ugu dhaqsaha badan wax looga qabto. DHinaca kale waxaa dadka deegaanka looga baahanyahay inay gacan ka geeystaan socodsiinta mashruucyada sida: inay dhaqaale iska aruuriyaan, inay qalab keenaan ama inay xoog diyaariyaan.

Mashruucyada hadda Socda

• Waxbarashada: Mashruucan waxaa loogu talagalay in warbixin guud looga diyariyo iskuulada hadda shaqeeyo iyo tayadooda waxbarasho. Sidoo kale in la tirakoobo iskuulada aan shaqaynin iyo degmooyinka aan wax dhaqdhaqaaq waxbarasho ah ka jirin.

  Ka dib markaan warbixintan derisno waxaan go,aansan doonnaa meesha ugu habboon in waxqabadka waxbarashada laga bilaabo annagoo la tashanayna wakiilada Himilo-Soomaaliya. Faahfaahin >>>>>

• Caafimaadka: Ururku wuxuu xiriir la sameeyay isbitaalada yurub qaasatan Talyaaniga iyo Holland. Isbitaal ku yaalla Talyaaniga ayaa wuxuu noogu deeqay qalab caafimaad oo kala duwan. Ururku wuxuu ku mashquulsanyahay sidii qalabkan lagu geyn lahaa Soomaaliya

• DHaqaale aruurun: Si ururku ujeedooyinkiisa u gaaro wuxuu u baahanyahay dad tabaruc joogta ah ururka siiya. Si taas loo helo waxaan diyaarin doonnaa kulamo aan isugu keeneeyno bulshada Soomaaliyeed ee ku nool wadanka Holland, qaasatan kuwa danaynaya waxqabadka ururka. Sidoo kale waxaan ururka ku soo xiri doonnaa dadka iskood caawin uga geeysta wax ka qabadka dhibaatooyinka bulshada ee gobollada dhexe. DHinaca bidix ee boggan waxaad ka arki kartaa dadka hadda ururka tabaruca joogtada ah siiya, wax walba oo ururka soo galan halkan ayaan ku caddayn doonnaa insha,allah.

  Back to top